Moderatsiya va shikoyatlarni ko‘rib chiqish
MaxRaqam platformadagi ishonchlilikni saqlash uchun e’lonlar, Diler profillari va foydalanuvchi murojaatlarini ko‘rib chiqadi.
1. Moderatsiya tamoyillari
Moderatsiya xavfsizlik, ma’lumotlarning to‘g‘riligi, qoidalarga rioya etilishi va foydalanuvchilar manfaatlarini himoya qilishga qaratilgan. Qaror mavjud ma’lumotlar va qoidabuzarlikning mazmuniga qarab qabul qilinadi.
2. Tekshiruv uchun asoslar
- foydalanuvchi shikoyati;
- noto‘g‘ri yoki eskirgan ma’lumot alomatlari;
- firibgarlik yoki chalg‘itish ehtimoli;
- bir xil yoki noqonuniy takliflarning takrorlanishi;
- uchinchi shaxs huquqlari yoki ushbu qoidalar buzilishi;
- xavfsizlikka oid boshqa asosli holatlar.
3. E’lon haqida shikoyat
Foydalanuvchi ilovadagi shikoyat imkoniyati orqali e’lonni ko‘rib chiqish uchun yuborishi mumkin. Shikoyatda aniq sababni tanlash va zarur bo‘lsa tushuntirish berish tavsiya etiladi.
Shikoyat yuborilishi e’lon avtomatik ravishda qoidabuzar deb topilganini anglatmaydi.
4. Ko‘rib chiqish
MaxRaqam e’lon, Diler profili, oldingi murojaatlar va taqdim etilgan ma’lumotlarni ko‘rib chiqishi mumkin. Zarur bo‘lsa Diler yoki shikoyat yuborgan shaxsdan qo‘shimcha izoh va hujjatlar so‘raladi.
5. Mumkin bo‘lgan choralar
- murojaatni qanoatlantirmasdan yopish;
- e’lonni tuzatishni talab qilish;
- e’lon ko‘rinishini vaqtincha cheklash;
- e’lonni olib tashlash;
- Diler profiliga yoki hisob imkoniyatlariga cheklov qo‘yish;
- takroriy yoki jiddiy qoidabuzarlikda hisobni to‘xtatish.
6. Moderatsiya qarori bo‘yicha murojaat
Foydalanuvchi yoki Diler moderatsiya qarori bo‘yicha developer@mxtr.uz manziliga murojaat qilishi mumkin. Murojaatda hisobga bog‘langan elektron pochta, tegishli e’lon yoki Diler nomi, qaror mazmuni va qo‘llab-quvvatlovchi ma’lumotlar ko‘rsatilishi kerak.
7. Shikoyat tizimidan suiiste’mol qilish
Bila turib yolg‘on shikoyat yuborish, raqobatchiga zarar yetkazish yoki moderatsiyani chalg‘itish uchun takroriy murojaat qilish taqiqlanadi va cheklovga olib kelishi mumkin.
8. Tashqi nizolar
Telefon raqami uchun to‘lov, raqamni qayta rasmiylashtirish yoki Diler bilan xaridor o‘rtasidagi boshqa bitim nizolari tomonlarning o‘zaro va tegishli aloqa operatori bilan hal qiladigan masalalaridir. MaxRaqam platforma qoidalariga oid ma’lumotlarni ko‘rib chiqishi mumkin, ammo bitim tomoni emas.